Non aurki ditzaket nire datuak?

HABEk ikasleen esku jarri du norberaren datuak, ibilbide akademikoa eta txostenak kontsultatzeko bitartekoa. Horretarako, jo HABEren web-gunera (www.habe.euskadi.net) eta aukeratu Ikasle eta irakasleen sarbidea. Bertan aurkituko dituzu, besteak beste, ikasturte hasieran ezarri zaizun hasiera-maila, helburu-maila eta hilez hileko asistentzia.

Nola egiaztatzen da euskara-maila?

HABEk euskararen ezagutza egiaztatzeko sistema du abian. Agiriak lortzeko maila bakoitzari dagokion azterketa gainditu behar da.

Euskaltegi eta autoikaskuntza-zentroetako ikasleek dute deialdietan parte hartzeko eskubidea, baldin eta azterketa-deialdiaren matrikula egiteko epea zabaldu baino lehen norberaren euskaltegian mailaren ebaluazioa gainditu badute.

Ba al dago diru-laguntzarik?

Udal bakoitzak eman ditzakeen dirulaguntzez gain (kontsulta ezazu dagokizun udalean edo udal euskaltegian) HABEk euskararen ezagutza egiaztatzeko mailaren bat gainditu dutenentzako dirulaguntza sistema du. Eskabideak aurkezteko epea azterketa-deialdia amaitutakoan hasten da. Informazio guztia HABEren web-guneko Azterketa-deialdiak eta ziurtagiriak atalean duzu.

Zeintzuk dira euskara-tituluen arteko baliokidetzak?

Euskara-egiaztagirien baliokidetzari buruzko 48/2009 Dekretuak ezartzen du tituluen arteko baliokidetza. Kontsulta ezazu taula hau